ROJAN HAZIM
Kurd pêkve behsê tengavîyên van rojên ku em têda dikin. Ji kîjan baskê polîtîk bin ferq nake, di xaleke hevpiþk da jî digihin hev: Kurdistana Federal di bin fiþara dewletên cîran yên wekî Tirkîye, Îran û Sûrîyeyê da ye û divêt hemû Kurd vê destkevtê biparêzin. Dewleta Tirk serkêþî û organîzatorîya vî cepheyê bêyûm yê antî Kurd û antî Kurdistan dike, lewma dijî Tirkîyeyê divêt têkoþîneke xurt bête dan. Tirkîye van roja fiþareke hind bêhnçikêr tîne ser Kurdistana Federal ku behsê dagîrîyê jî dike. Îran û Sûrîye jî ji cepheyên xwe carna, wekî Îranê kirî, bi êriþkarîya dîrekt ya leþkerî, piranî jî bi provakasyon û têkvedanên ajanwarî, destdirêjîya xwe di nav baþûr da didomînin. Tirkîyeyê referandûma Kerkûkê jî, ku divêt îsal bête kirin, bo xwe kirîye hêceta gef û gurên xwe yên leþkerî. Ji xwe digel ku PKK-KKKyê agirbes îlan kirîye û sadiqî biryara xwe ye jî, belêm dîsa ve Tirkîye operasyonên xwe di dereceya herî dijwar da didomîne. Bi giþtî li ser bizava neteweyî ya xelkê Kurd zulm û zoreke mezin heye. Amerîka û Ewrûpa jî, digel ku piþtevanîya bizava heq ya xelkê Kurd dikin, lê bi vekirî reftareke xurt û saxlem dîyar jî nakin beramberî Tirkîyeyê û hetta bi hindek kir û kiryarên xwe ve jî destekê didine Tirkîyeyê, anku di nav paradoksê da ne û Tirkîye ji vê pozisyona wan bi qazanca xwe îstifade dike.
Li ser vê xalê, li seranserê Kurdistanê, di nav Kurdan da hizirîneke hevpiþk heye. Belêm mixabin ku Kurd jî di nav paradokseke kûr da ne. Li milekê, bi tarz û rengên cuda jî be, analîza rewþê kêm zêde wisa dikin, li mile dî jî, her kes û her alî gurzê xwe cuda dihejînin. Hal ew e ku, gava rewþa xelk û welat têda bi giþtî, nêzîkî hev hate analîz kirin, hinge divêt reftareke hevpiþk jî bête pêþxistin. Lojîka polîtîka bizavên neteweyî û demokratîk ev e; analîza nêzîk, anjî ya wekî hev, di pratîkê da jî nêzîkbûnê, bi hev ra hereketkirinê tîne, anjî divêt bîne. Lê di pratîka Kurdan da berevajî encam dide û heke ji felaketê bête behs kirin, esas felaket jî ev e! Ji ber ku, ev reftara negatîv, keysê herî mezin dide dijmin ku qabilîyeta manewraya xwe ya fetisandin û têkbirina bizava neteweyî ya xelkê Kurd, zêde û mezintir bike. Bo nimûne Tirkîye di van roja da ji vê berbelavîya Kurda û negatîvîtîya Amerîka û hindek dewletên Yêkitîya Ewrûpayê ya beramberî PKKyê, îstifadeyeke mezin dike û di nav hewildanên xirabtir e ku di destpêkê da plane xwe yê tengkirina dora bizava neteweyî ya xelkê Kurd di qazanca xwe da bibe serî. Êriþ û girtinên li hindek welatên YEyê, Tirkîyeyê ber bi dijwarbûn û êriþkarîyê ve teþwîq dike. Kurd li hêvîyê ne ku Amerîka û YEyê Tirkîyeyê ber bi demokratîzasyonê û dana mafên xelkê Kurd ve teþwîq bike, belêm mixabin ku ev operasyonên li cografyaya YEyê pêktên bereks encam didin û bi kêrî êriþkarîya Tirkîyeyê tên.
Di nav vê hercûmercê da, karê ku divêt bête kirin, nav çi dibe ferq nake, avakirina zemînê hevrayî yê hêza neteweyî ya xelkê Kurd û xelkên Kurdistanê ye. Biçûk mezin hemû organîzasyonên polîtîk, yên kulturî û hunerî, ronakbîr û polîtîkerên serbixwe û xelkê Kurd û herweha xelkên hevqeder yên li Kurdistanê, divêt qedera xwe ya hevpiþk pêþbêxin û li çareyên hevpiþk bigerin. Kurdên li her parçeyî, herçend li goreyî þertên xwe têkoþîneke taybetî bidin jî, divêt rê û metodên di eleyhê hevdu da jî bi kar neînin. Li goreyî rewþ û þertên xwe polîtîka kirin, ne maniê polîtîka hevrayî ya neteweyî ye.
Îro bi taybetî rewþa Kurdistana Federal û pirsa bizava neteweyî ya xelkê Kurd ya li bakur gelek aktuel e û tête riberiz kirin. Tirkîye gelek aþkera hemû kartên xwe yên antî Kurd û antî Kurdistan di vî zemînî da bi kar tîne û hem Amerîkayê, hem YEyê, hetta rêvebirîya Kurdistana Federal jî dide zorê ku çembera li dora rêvebirîya bizava neteweyî ya xelkê Kurd ya bakur biþidînin û adeta bikine toka mirinê. Polîtîka Tirkîyeyê ya di vî warî da gelek lêhbok û bi entrîka ye û bi sere lêva jî be dixwaze bêje; “heke hûn dixwazin baþûr hebe, bakur feda bikin”, ku eve planekî gelek qirêj û wêranker e. Lewma di vê rewþa nazik da, di serî da Kurd divêt mekanîzmayên xwe yên dîyalog û hevgirtinê di dereceya herî bilind da aktîve bikin û bi vê hêza xwe ya hevgirtî jî hem Amerîka û YEyê hiþyar û serwext bikin ku nebine pal û piþtên vî planê Tirkîyeyê yê qirker û birandêr, hem jî rê li ber wan bigirin. Heke ev plane Tirkîyeyê biçe serî, “baþûr“ jî nagihe rehetîyê. Heke Tirkîye gihiþte mexseda xwe û “bakur“ kire firavîn, divêt neête ji bîr kirin ku dê “baþûr“ jî bike þîv!. Tête hêvî kirin ku Kurd pêkve vê rastîyê bibînin û hevgirtin û armancên xwe yên mezin yên neteweyî fedayî hisabên biçûk nekin û çeperê yêkgirtinîya neteweyî zûtirîn dem ava û saxlem bikin. Garantîya her parçeyê Kurdistanê, parçeyên dî bi xwe ne. Garantîya Kurda hêza yêkgirtî ya navxweyî ye.
14 Sibat 2007